مساعدة يسرا تكشف تفاصيل عملها مع الفنانة: "ست مريحة في الشغل"

تحدثت "علية" مساعدة الفنانة يسرا، عن تفاصيل عملها معها على المستوى المهني والشخصي.

وقالت "علية" ببرنامج Its show time : "أنا بقالي سنين مع الفنانة يسرا .. هي ست مريحة جدا في الشغل .. أنا ببقى عارفة إيه اللبس اللي عندها، إيه جديد، وإيه اللي اشتغلنا بيه قبل كده، وإيه اللي بيريحها وإيه اللي بيليق عليها.. ببقى حافظة كل حاجة هي حتى ممكن متكونش حفظاها".

وأضافت: "من الحاجات اللي بتميزها كإنسانة إني لما بدخل عليها الصبح وبيكون عندي مشاكل في البيت وبدخل مبتسمة تقولي لا ابتسامتك مش تمام إيه مضايقك؟.. إنتي النهاردة مش على طبيعتك وتفضل ورايا لغاية ما أحكيلها وده مش موجود كتير إن حد يهتم بيكي ويسمعك ويقراكي من علامات وشك".

وكانت يسرا حرصت مؤخرا على حضور فعاليات حفل ختام مهرجان كان السينمائي الدولي في دورته الـ 76 هذا العام وسط حضور أبرز نجوم وصناع السينما حول العالم.

ونشرت "يسرا" صورا خلال تواجدها بالسجادة الحمراء لحفل الختام وهي تصافح تيري فيرمو مدير مهرجان كان وعبرت عن سعادتها وتواجدها في فرنسا، كما وجهت الشكر للفريق الذي تعاون معها خلال الفعاليات.

كما هنأت الفنانة يسرا، عبر حسابها الرسمي بموقع تويتر، ولي عهد الأردن الأمير حسين بن عبدالله الذي يحتفل بزفافه خلال الأيام المقبلة.

2023-06-05T12:35:17Z dg43tfdfdgfd